القراءة السريعه : هي القراءة الصحيحة
والقراءة تعتمد على هدفك على حسب اللى انت حاطة اما ان هدفك تخلص الكتاب كامل او انك تخلص نص الكتاب او تاخذ معلومة وحده من الكتاب
القراءة السريعه من 350 كلمة في الدقيقة الى 800 كلمة في الدقيقةاحنا قرائتنا العادية تتراوح بين 100 الى 150 كلمة في الدقيقة((
كيف تعرف كم كلمة انت تقرأ في الدقيقة ، امسك لك مقال او كلمة وخل اي احد يحسب لك دقيقة وحده وابدا اقرأ ولما يقولون لك وقف انتهت الدقيقة احسب كم كلمة انت قرئتها ))
& لازم نكون سريعين في كل شئ لان الوقت يمضي سريعاً ، وقال ان لازم نكون سريعين مو بس بالقراءة حتى في عملنا ودراستنا والتوبة الى الله ……..الخ
من الاشياء اللى ذكرها الاستاذ ان شخص يدخل الجامعه ويخلص الدراسة في 6 سنوات واهي الدراسة في 4 سنوات انت ضيعت سنتين من عمرك ،،
او مثل البنات تفكر بتخصص او ما اقبلوها في التخصص اللى تبغاه وتجلس 4 سنوات بالبيت بدون اي هدف ولا شئ وتضيع عليها الاربع سنوات
لازم نتعلم اننا نكون سريعين في كل شئ
راح اذكر لكم اهم النقاط في المحاضرة ..
تكلمت المحاضرة عن
1/ المقدمة
2/ تقوية الذاكرة
3/ قوة الاستيعاب
4/ المشكلات
5/ اسلوب النجمة
تعلمنا
القراءة بأسلوب النجمةواهي اهم نقطة تقريباً باالمحاضرة بعدين بذكر الشغلات الثانية
اسلوب النجمة وهو على شكل النجمة الخماسية >> يعني خمس نقاط ..
1- قراءة
(( نخلي القراءة بالعقل وليس بالعين ناخذ الفائده ، لا تدقق على الاخطاء الاملائية لا تخلون صغائر الامور تشغلكم لازم اجمع الفوائد.. ))
2- تهيؤ
المكان اللى تجلس فية لازم يكون مهيئ للقراءة لا تقراء في مكان فية ناس رايحة وناس جاية او بزر يصارخ ، ولازم الضوء يكون مناسب مايكون قوي يأثر على العين ولا يكون اضائة خافته وتقول جالس بجو رمانسي لازم الجو يكون ممتاز
ودرجة الجو لها تأثير مثلا لاتجلس في مكان بارد وتتجمد من البرد ولا يكون حار وماتقدر تستوعب
3-تأشير
وهو التاشير بالاصبع
4-مراجعة
5-تصفح
لما تشتري كتاب اقرأ الغلاف الامامي والغلاف الخلفي ، امسك الكتاب وابدا تصفحة صفحة صفحة
وبعدين قيم الكتاب كم المدة اللى راح تستغرقها في القراءة واكتب في اول صفحة بالكتاب المدة اللى انت محددها ، ولما تنتهي من القراءة شوف هل انت استغرقة نفس المدة او لا …
::
في مشكلات كثيرة تواجهنا قبل القراءة ، واثناء القراءة ، وبعد القراءة
>> اسمحولي راح اذكر بشكل عام وشكل سريع
* قبل القراءة
- تشتت الذهن
-النعاس
- قلت الوقت
-لا يوجد جدول للقراءة
(( صحيح احنا طول عمرنا ماعندنا جدول حق انفسنا وقت محدد ان يتم القراءة فية ، ولو تعودنا تحط حق انفسنا جدول راح نمشي على هذا الجدول >> على قولة امي ان حياتنا ماشية بس كذا فوضة ))
- لازم نخلي البرنامج للقراءة عاده
” بينك وبين نفسك لازم الجدول يكون ”
اما جدول اسبوعي
أو
جدول يومي / ونقدر نقول جدول شهري
أو
جدول سنوي
أفضل شئ الجدول الاسبوعي ،،
يعني قول ان هذا الاسبوع لازم اخلص هذا الكتاب المعين # خلونا نقول ياجماعه لو قلنا ان بالشهر نخلص 4 كتب او بالشهر كتابين جداً ممتاز* اثناء القراءة
-اعادة القراءة من البداية ..
- السرحان .. >> اتوقع مشكلة عند الكل لوووول
- نجلس نقرأ كل الكلمات مثلا المقدمة يكون الصلاة على النبي والحمدوالشكر والثناء هذا المفروض نشقحطة.
- اثناء قراءة الكتاب نجلس نلخص (( المفروض التلخيص يكون بعد الانتهاء من كل فصل بالكتاب او الانتهاء من الكتاب كلة
))
>>انا المشكلة اللى تواجهني اثناء القراءة مجرد ما امسك الكتاب اسمع جوالي يرن او احد يقول ” مضييييييييييييع ”
* بعد القراءة
- نكون مافهمنا الكتاب كلة
>> كارثة بصراحة واحس ضيعت وقتي واحقد على الكاتب ..
- يجي شخص ويحبط على الكتاب اللى قريته
** اذا سمعت عن محاضرة القراءة السريعه اذهب لها دون تردد …
————–
أسم الكتاب : القراءة السريعه بأسلوب النجمة
للكاتب : اشرف الغريب
مكتبة العبيكان ..